साउन १८ एजेन्सी__ म्यानमारका सैनिक शासकले आफू प्रधानमन्त्री भएको घोषणा गरेका छन् । सैनिक कु गरेर सत्ता हातमा लिएका शासक मिन आङ ल्याइङले आफू प्रधानमन्त्री भएको घोषणा गरेका हुन् । उनले आगामी २०२३ अगस्टसम्ममा बहुदलीय चुनाव गराउने र आपतकालिन अवस्था हटाउने प्रतिबद्धता व्यक्त गरेका छन् । शासक ल्याइङले नेता आङसान सुकीको जननिर्वाचित सरकारलाई अपदस्त गरेर सत्ता हातमा लिएका थिए ।
सैनिक कू पछि म्यानमारकाे अवस्था उथलपुथल भएको छ । सेनाको कदमविरुद्ध नागरिकहरु विरोध र हड्तालमा उत्रिरहेका छन् । जसले प्रशासन र अर्थव्यवस्था अस्तव्यस्त भएको छ । एक स्थानीय अनुगमन समूहका अनुसार सुरक्षा बलले बिरोध प्रदर्शन र असन्तुष्टीविरुद्धको कारबाहीमा ९०० भन्दा बढी मानिसहरुको ज्यान लिएको छ । सीमा क्षेत्रमा सशस्त्र द्वन्द्वको पुनरुत्थान भएको छ ।
जुलुस हड्तालका कारण म्यानमारमा कोभिड १९ को संक्रमण तिव्र रुपमा बढिरहेको छ । सैनिक शासकले आफ्ना सैन्य अधिकारीहरुलाई स्वतन्त्र र निष्पक्ष बहुदलीय आम चुनाव गराउनको लागी परिस्थिति बनाउनुपर्ने बताएका छन् । ‘हामीले तयारी गर्नु पर्छ । म असफलता बिना बहुदलीय आम चुनाव गर्ने प्रतिज्ञा गर्दछु । सेनाले अगस्ट २०२३ सम्म आपतकालिन अवस्थाको प्रावधान पूरा गर्नेछ’, उनले भने ।
यहाँ कमेन्ट गर्नुहोस्
